واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك
===================================
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟
=====================================
مرة الفلاحين أعلنوا الحرب على الصعايدة عشان الصعايدة بيتقال عليهم نكت و الفلاحين لأ, واحد فصيح من الفلاحين قام قال
احنا لازم نعمل خطة عشان نهزم الصعايدة, احنا ننادي نقول يا محمدين يطلع محمدين نقتله, يا حسنين يضلع حسنين نقتله, يا عوضين يطلع عوضين نقتله
المهم نفذوا الخطة دي و قتلوا صعايدة كتير قوي, الصعايدة اجتمعوا و طلع واحد فصيح من الصعايدة و قال
احنا لما يندهوا على محمدين نطلعلهم حسنين و لما يندهوا على حسنين نطلعلهم عوضين
=============================================
صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي
==============================
وحدة فرنسيه اسمها ليزا ..
ووحدة إنجليزية إسمها اليزابيث ..
ووحدة عربية إسمها أم محمد ...
الثلاثة زهقوا من شغل البيت والطبخ والكنس فإتفقوا يعملوا إضراب ويخلوا أزواجهم يشتغلوا بدالهم وبعد إسبوع يتقابلوا وكل وحدة تقول حصلها ايه
وبعد أسبوع
قالت ليزا الفرنسية أنا قلت لزوجي من اليوم مافيش كنس ولا طبخ ولا كوي .. أنا زهقت من الشغل وشوف لك حل!!!
مر يوم وماشفتش حاجة
وثاني يوم برضو ماشفتتش حاجة
وثالث يوم لقيت زوجي قايم الصبح بدري ومجهز الفطار والشاي وجابه لي في السرير وأنا نايمة وبعدين راح شغله
اما البريطانية اليزابيث ردت وقالت: وأنا قلت لزوجي أنا من النهاردة مش كانسه ولا طابخه ولا كاويه في البيت , أنا زهقت خلاص
أول يوم ماشفتش حاجة
وثاني يوم بعد ماشفتش حاجة
لكن في اليوم الثالث لقيت زوجي رايح للبقاله وإشترى كل الطلبات الي كنت عاوزاها في البيت وبعدها قام نظف البيت كله وكله تمام التمام
أم محمد جاء دورها في الحكاية فقالت: أنا قلت لزوجي إسمع يابو محمد أنا زهقت من شغل البيت وإعمل حسابك أنا من بكرة لا كانسه ولا طابخه ولا كاويه
وبصراحة:
أول يوم ماشفتش حاجة
وثاني يوم ماشفتش حاجة
وثالث يوم ماشفتش حاجة
والحمد لله رابع يوم قدرت أشوف شوية بعيني الشمال واليمين لدلوقتي مش قادرة افتحها
الأحد فبراير 22, 2009 3:06 pm
