البطه كوكى

البطه كوكى

كان يما كان فى ثلاث اصحاب البطه كوكى والفيل فلافيلو والقرد سفروت كانو بيحبو بعض جدا عاملين بوصية الرب يسوع بالمحبه اخدموا بعضكم بعضا

الى حصل ان فى يوم من الأيام السما مطرت بغزارة لدرجة ان الجنينه اتملت ميه من المطر لاكن أصدقاء البطه وقعوا فى مشكله انهم مش قادرين يخرجوا يشتروا طلبتهم فقالت البطه كوكى انا لازم أساعد اصحابى فعامت على الميه لحد لما وصلت لبيت الفيل فلافيلو

وخبطتت على الباب ففتحلها الفيل فاقلتله مش محتاج حاجه انا ممكن اساعدك فقالها أنا أكلى خلص ومحتاج شوية جزر علشان انا جعان قوى فقالتله حاضر أنا هلروح بسرعة أجبلك الى انت عايزه وفعلا اشترت البطه كوكى الجزر ووصلته لصدقها الفيل فلافيلو

وقالها شكرا يا كوكى خاليكى قاعده اشربى حاجة فقالتله شكرا علشان اشوف القرد سفروت لو كان محتا حاجه طيب ربنا معاكى عامت البطه كوكى فى الميه علشان توصل لبيت القرد سفروت ولما وصلت خبطت على الباب فرد سفروت ورحب بكوكى قوى فقالتله مش محتاج اى حاجه

فقالها أنا محتاج شوية فول سودانى على شوية موز علشان جعان قوى ومش قادر اخرج فى الميه دى قالتله حاضر عامت كوكى على الميه تانى وأشترت كل طلبات القرد سفروت ولما وصلت لبيته شكرها جدا على تعبها

وبعد أيام لما الارض نشفت القرد سفروت و الفيل فلافيلو جمعوا بعض وذهبوا لبيت البطه كوكى علشان يشكروها على تعبها وفرحت كوكى قوى لما شافت اصحابها ففبيشكروها على تعبها وقالولها انت فعلا نفذتى وصية بابا يسوع الى بتقول بالمحبه اخدمو بعضكم بعض . وتوته توته خلصت الحدوته حلوه ولا ملتوته.