> ارجوك يارب خلي بالك من نفسك<
بنوته صغيره .. كانت بتصلي قبل ما تنام زي كل يوم وزي ما اتعلمت في مدارس الاحد
وقدام صورة حبيبها يـــسوع قالت بصوتها الرقيق : يسوع انا بشكرك علي الحاجات الحلوة
اللي انت بتديهاني .. متخلنيش انام وانا خايفه .. وحافظ علي بابا وماما وخلي بالك منهم
.. ومن اخواتي ومن المس في الكنيسه ومن ابونا ومن كل الناس .. و ....
سكتت البنوته شويه وقالت وصوتها فيه خجل :
لو سمحت يارب خلي بالك من نفسك .. ياتري يارب انت عامل ايه ؟ في حاجه مضايقاك ؟ اخبارك ايه ؟
عملت ايه لما جرحتك وسبتك ومشيت ورا خطيتي ؟ طب بليل بتضايق لما بنام واسيبك لوحدك
سهران تحرسني ؟ اكيد بتضايق وانا سهرانه علي التليفزيون أو بكلم حد وسايباك ؟!
طب انت بتاخد بالك من نفسك ولا ناسي نفسك في انشغالك بيا ؟ .. انا دايما بقولك خلي بالك من
فلان وفلان وفلان وحافظ و... وحاقظ علي حياتي .. اسمح لي يارب اقولك من قلبي :
ارجوك يارب خلي بالك من نفسك