يا اخوننا دة كان يوم عيد بقلم محبة مترى الى أرواح شهداء نجع حمادى: شفت صوركم أيوه حبايبى شفت عذاب وياريتنى ماشفت مش فى تهانى نجاح منشورة ولا أفراح كانت منظورة ولا لمة عيلة فى الصورة منتظرينكوا سنين بحنين علشانكم كانوا عايشين انتوا املهم حلم حياتهم شفت صوركم ايوه حبايبي شفت ظلام وسواد الصورة بس قلوبنا خلاص مكسورة والأحلام صبحت مقهورة ومفيش نِفس لاى كلام أسوأ صورة تشوفها عينينا اى كلام بقى صعب علينا هنقول ايه هنقول ايه للأم نعزي؟!!! يا اخواننا ده كان يوم عيد المفروض علي الكل سعيد والواد لبس اللبس جديد كان فرحان فى اليوم ده أكيد راح وصديقه الايد في الايد راحوا يصلوا واللي حصل له ماكان ع البال هنقول ايه للأم الآن ؟!! اغتالوا المهجة والروح تركوا في قلب الاب جروح طول العمر احزان ما تروح !! بس حرام فين الأمن فين يابلادي انا من حقي اصرخ وانادى مين يضمن لي أمن اولادى ويرجع لي شارعنا الهادى هما جيرانى واللا أعادى؟ اللى حصل شئ مش عادى انا طول عمرى عايش بمحبة ليه ظهرت للغدر ايادى؟ وبتضربنى فى ضهرى بخسه وفى أعيادى ؟ لما امد ايديا أسّلم الاقى رصاصة ؟!! فين الأمن فين يابلادى؟ بيشوى ومينا وزكريا الفرحة ماتت فى عينيا أيمن وبولا وأبانوب ذكراكم جوه القلوب مع يسوع المصلوب فى حضنه أفضل جدا أكاليلكوا جاهزة ممجدة تسبيح ملايكة مرنمة الى لقاء فى السما لا حزن تانى ولا بكا
الخميس يناير 28, 2010 11:15 pm