مديح لابونا بيشوى كامل
+تحت اقدام الصليب لمحنا نورا عجيب
انوار يسوع المسيح بنيوت امنريت بيشوى
+شفناه وعشنا معاه محبه وطول اناه
مش ممكن راح ننساه
+مع المسيح صلبت ومكان مريم اخترت
وفى الملكوت كللت
+فى الخدمه كنت مثال بكل وقار وجلال
تحمل اثقال كجبال
+دشنت اسكندريه بخدمه طوباويه
بنيت نهضه روحيه
+لم تبخل على الاحباب بمعونتك ولا الاغراب
مهما كانت الاسباب
+فرحا مع الفارحين معزى للحزين
صديق للمحتاجين
+زرع الحب فى قلوبنا نور كل طرقنا
وهدانا وارشدنا
+اتضاعه وتعليمه وفرحه وتهليله
للمسيح حبيبه
+الالامه واتعابه وسهره وجهاده
اكليل زان حياته
+ايمانه بلا رياء سهره بلا استرخاء
عمره ما فقد الرجاء
+صلاته ككيرلس كرازته كا مرقس
ايمانه كأثناسيوس
+ذهبى الفم فى عظاته انجيل عاش حياته
مقبوله كل طلباته
+ربحت الخاطى ووعظته صليت علشان توبته
وفى حضن الآب دفعته
+اختارك يسوع البار علشان تجنى الثمار
وتحيا معاه باستمرار
+شوفوا الحياه المنيره شوفوا الحب والغيره
شوفوا نهاية السيره
+حياته جوهر نفيس كلها ليسوع تكريس
فاذكرنا يا قديس
تفسير اسمك فى افواه كل المؤمنين
الكل يقولون يا اله ابونا بيشوى اعنا اجمعين